هیأت عالی‌رتبه امنیتی جمهوری اوزبیکستان به ریاست رئیس کمیته امنیت ملی جمهوری اوزبیکستان، دگرجنرال بهادر قربانوف، معاون امنیت ملی، جنرال فرخ بختیاروف، و فرمانده نیروهای مرزبانی اوزبیکستان، سلیم‌جان حسنوف، در تاریخ ۲۲ جولای به کابل سفر کردند. موضوعات مورد بحث این هیأت با سراج‌الدین حقانی و ملا یعقوب تا حدی در مطبوعات و رسانه‌ها منتشر شد.
اما یک موضوع مهم در رسانه‌ها بازتاب نیافت. هیأت جمهوری اوزبیکستان در پاسخ به درخواست طالبان، آب سردی بر آن‌ها ریخت و اعلام کرد که تاشکند حاضر نیست هلیکوپترهای دوره جمهوریت را به شما تحویل دهد، زیرا شما مشروعیت واقعی ندارید. بحث‌های هیأت اوزبیکستان بیشتر بر مسائل مواد مخدر، تروریسم و تهدیدات ناشی از جرایم فرامرزی متمرکز بود.
از جمهوری اوزبیکستان به خاطر عدم تحویل هلیکوپترهای مردم افغانستان به گروه ضد ملی و شدیدا متعصب و عشیره یی طالبان قدردانی می نماییم.
